QUIAPO

Banal na lugar na pinaliligaran ng mapangahas mapagsamantala at mga banal na aso't kabayong nag aanyong tao

Nais ko lang naman ipabatid sa inyo at ibahagi ang hindi ko makakalimutang mga karanasan sa Quiapo.

Kung iisipin ang Quiapo ay isang lugar na pinanghuhugutan ng pag asa at milagro dahil sa Poong Nazareno.

Ang Quiapo din ay sentro ng komersyo sapagkat sa dami ng tao dito lahat na ng produktong mura ay matatagpuan na d2.  Sentro din ito ng mga pangunahing transportasyon na kung saan makararating ka sa ibat ibang bahagi ng metro.

Ang kinalulungkot ko lang ay ito ay parehong lugar na pinamumugaran ng mga masasamang tao. Ako ay minsang napadaan sa lugar na ito bitbit ang aking backpack. Dahil ako ay isang deboto ng Mahal na Poong Nazareno ako ay nagsimba dito.  At dahil ang pupuntahan ko ay Legarda na kung saan andun ang terminal ng bus na aking pupuntahan. Hindi lingid sa aking kaalaman ang aking pitaka na nakalagay sa bandang harapan ng aking bag ay nakuha na pala. Naglalaman ng 2500 pesos at mahahalagang I D  ay nanghinayang ako.  Napa isip tuloy ako kung bakit nangyari sa akin ito. Kapwa ko Pilipino...Bakit mo ako ginanito?

Ang tanging inisip ko na lamang ay ang bigat ng konsenya at kasalanan ay dala dala at lubos akong naawa sa kanya.  Ang pananampalataya ko ay nasubukan at naniniwala akong Higit sa nawala sa akin ang kapalit nuon bastat patuloy lang akong mananalig sa Poong Nazareno.....

Ito ay ikalawa ng beses na nangyari sa akin. Ang una ay pagkakadukot naman ng aking cellpone sa mismong bulsa ng aking pantalon ng akoy sumalang sa prusisyon ng Poong Nazareno.. Ngunit ang kapalit nuoy naka aalis ako ng bansa at nakapagtrabaho dun at 2 cellphone pa ang aking na pag may ari.. Tunay na ang nawawala sa yo ay papalitan nya ng sobra pa sa iyong pangangailangan.

Kaya sa aking kababayang Pilipino ang pag gawa ng mabuti siksik liglig ang inaani.. Ang pag gawa ng masama bigat ng konsensyat sa Dyos ay Pagkakasala.  Makatarungan ang Panginoon at Parehas sya kung Humatol Tol. Ang kalapastanganan sa kapwa mo Pilipino ay Pag yurak din sa bayan Mo!